الممثلة عارفة عبد الرسول تتعرض للانتقادات بعد ظهورها بالمايوه
تعرضت الممثلة المصرية “عارفة عبد الرسول” على الانتقادات التي تعرضت للانتقادات اللاذعة، بعد نشرها صورتها المثيرة للجدل وهي مرتدية المايوه على شاطئ البحر.
لمتابعة آخر الأخبار اشترك بقناة التليغرام t.me/mdiaena
وقالت عبد الرسول خلال مقابلة صحفية عبر برنامج “كلام الناس” الذي تقدمه المذيعة “ياسمين عز ” على قناة “إم بي سي مصر” : “أنا بطبيعتي إسكندرانية ولازم أنزل البحر كل صيف.
وأضاف: ولو عدى صيف وما نزلتش البحر ممكن يجيلي اكتئاب، وصورة المايوه أنا ما كنتش نزلت البحر خالص، وكان عندي شغل كتير فجماعة أصحابي خطفوني وراحوا بيَّ العين السخنة، وكنت فرحانة أوي بالبحر ونزلت الصورة وأنا في منتهى السعادة واللي باين الكتف.
اقرأ المزيد: الممثلة بدرية طلبة تنتقد ياسمين عز
وتابعت: “لما نزلت صورة المايوه وكتبت لقيت الطبطبة، لقيتهم بيقولوا ليَّ يا ولية يا عجوزة اتلمي، وواحد بيقول لي أنتِ مش مكسوفة على دمك وأنتِ لابسة البكيني، أنت شوفت البكيني فين يا عم؟! مفيش بكيني أصلًا..
وأردفت: فكان موضوع غريب، وقعدوا ينصحوني أشيل الصورة، فأنا كتبت منشور توضيحي أوضح بس ما مسحتهاش”.
وأكملت: “ما كنتش متوقعة الرد العنيف على صورة المايوه، وأنا أصلاً جاية من جيل مايوهات تصغر علينا، أبويا ينزل يجيب لنا مايوهات أكبر، وكنا نضحك على أي حد نازل البحر بجلابية أو تي شيريت وبنطلون، البحر يعني مايوه”.
وختمت حديثها بالقول:”وأنا صغيرة كنت بلبس بيكيني، ولما كبرت شوية بقيت ألبس قطعة واحدة، ودلوقتِ بلبس زي البيبي دول، وبراعي السن وممكن ألبس البوركيني، ولكل مقام مقال”.
يمكنكم متابعة آخر الأخبار من خلال “تويتر”: ميديانا
