والد ياسمين صبري يهاجمها.. كانت بليدة ويادوب تنجح بالعافية
شن الدكتور “أشرف صبري” هجوماً لاذعاً على ابنته الفنانة المصرية “ياسمين صبري” عبر منشور نشره من
خلال حسابه الشخصي على موقع التواصل الاجتماعي ”فيس بوك“، متهماً إياها بالكذب والإساءة .
لمتابعة آخر الأخبار اشترك بقناة التليغرام t.me/mdiaena
وكتب أشرف صبري على فيس بوك: ”دي المدرسة اللي اتخرج منها بناتي اللي واحدة منهم بتدعي إنها كانت
في مدارس عربي وعاشت حياة بائسة فقيرة، وأنها وصلت بمجهودها!“.
وأضاف والد ياسمين صبري مستغربا: ”هو الكدب في حد يوصل للدرجة دي؟ أنا أفهم الكدب لما تبقي غلبانة وتكدبي تقولي أنا من عيلة كبيرة ومدارس أجنبية وعشت في سراية وبابي كان وزير وهو بيشتغل عامل!، يبقي كذب له مبرر!، لكن إن واحدة اتولدت لها شغالة فليبينية، وبتلبس من باريس لأني كنت باجيب لها لبسها من هناك، ودخلت مدرسة الـ EGC أرقى مدارس اسكندرية في وقتها، وعاشت في فيلا بحمام سباحة وصالة جيم، ولها غرفة خاصة بحمامها“.
وأردف أشرف صبري: ”كانت بليدة وطلعت روحي ويا دوب تنجح بالعافية بخمسين في المية وكانت بتروح الكلية بالعافية، وأصحيها الصبح بالساعة عشان تروح الكلية، وتترفد في السنة مرتين وعميدة كلية إعلام بيروت موجودة وتشهد“.
وأضاف صبري: ”كنت أروح دايما أقدم اعتذارات وشهادات طبية عشان ترجع الكلية، وشهاداتها عندي كلها كحك وأبوها دكتور“.
واختتم والد ياسمين منشوره قائلا: ”حتى أخوكي بهدلتيه، اللي طول عمره جنبك وبيجي من آخر الدنيا عشانك!، ياشيخة بطلي اللي انتي فيه ده، وحسبي الله ونعم الوكيل فيكي، بطلي تجيبي سيرة عيلتك وأبوكي اللي رباكي منك لله
يشار أن هذه ليست المرة الأولى التي تهاجم فيها ياسمين صبري من قبل والدها، حيث تعرضت العام الفائت لهجوم لاذع منه بسبب عدم حضورها حفل زفاف شقيقها، ليفتح والدها النار عليها ويصفها بالجحود والنكران.
تابعنا على تويتر: ميديانا
