الممثلة والمطربة #سمر_عبد_العزيز:
“تفاصيل صغيرة بس كبيرة عندي.. وعند كل مين شفي من السرطان.. صار عندي مشط.. الشامبو صار يخلص بسرعة.. صار فيني إشتري ربطات شعر.. صار شعري بينربط.. رجعت روح عند الكوافير.. اشتقت روح لعنده🥺 ورحت.. صار عندي شعر”.
“في شغلة يمكن ماحدا انتبه عليها بيقولوا مابحك جلدك إلا ظفرك، اتخيلوا إني بحك جلدي مكان العملية وما كنت حس فيه حتى لو حكني، مشرط الطبيب الجراح كان له جولة مؤلمة في جسدي المريض.. لكن بس هلق رجعت حس فيه، نعمة مو حاسين الناس فيها”.
“اتخيلوا أبسط الأشياء صارت فرحة كبيرة بالنسبة إلي، عم حس بجلدي، عم حس بسمر، رجعت للحياة بتفاصيلها الصغيرة، وحبيت إنو تشاركوني ببعض ألمي😔 حتى تعرفوا قيمة التفاصيل، هي صغيرة بس كبيرة بذات الوقت، حتى تعرفوا قيمة كل نعمة، ولتعرفوا تعيشوا هالحياة صح”..
وكانت لفنانة سمر عبد العزيز قد ظهرت في برنامج انسان وتحدثت عن معاناتها بمرض السرطان قائلة ” أنا ماكنت بدي أطلع بهي الحلقة مابحب احكي عن هاد المرض لأن هو مؤلم وحتى لو ماحكيت عنو هو ببان ” المرض غـدرني ماكنت أتوقع”
ومن كتر المرض مو مؤلم بقولو بعض الناس عنو ” هداك المرض”
أوضحت سمر أن اصابتها بسـرطان الثـدي جاء بعد طلاقها وهو ما أثر على صحتها قائلة ” كأنو الظلم خلقان إلي وحدي”
كشفت سمر أنها تزوجت لمدة 12 يوم فقط بعد قصة حب دامت لمدة 3 سنوات ونصف من المخرج محمد معروف وهي الزوجة الثانية له كاشفة بأن زوجته كانت على علم بعلاقتهم
كشفت سمر تفاصيل الزواج قائلة ” لما انت بتدخل لعند بابا وماما وبتقلن أنا بدي بنتكن، وبحبوك وبيفتحولك بيتن وبيعطوك بنتن ، بترجعلن ياها بعد 12 يوم ” شو هالرجولة والمصداقية والأخلاق والدين والشرع ، انا بعد 3 سنين ونص عم استناه قلي نحن خلص مازبطت ، ضب غراضه ومشي ورجع لمرتو وجاب ولد ، سرق مني الولد وعطاها ياه”
